Шаһарымызда республикалық «Таза Қазақстан» акциясы аясында экологиялық мәдениетті дамытуға бағытталған «Jasyl School» шарасы ұйымдастырылды. Бұл шараны Павлодар облыстық «Жасыл ел» штабы, облыстық ақпарат және қоғамдық даму басқармасы бірлесіп өткізді.
«Jasyl School» – табиғатқа ұқыпты қарауды насихаттап, экологиялық мәдениетті қалыптастыруды көздейтін жоба. Шараның басты мақсаты-жастарды қоршаған ортаға қамқорлық танытуға үйрету. Шара дөңгелек үстел форматында өтіп, жастарға өз жобаларын таныстыруға және экологиялық мәселелерді талқылауға мүмкіндік берді.
Қатысушылар экология саласындағы көшбасшылық қабілеттерін көрсетіп, өзекті мәселелер бойынша шешімдерін ұсынды. Олардың қатарында экологиялық бастамалармен көп жылдан бері айналысып жүрген белсенділер де, бұл салаға алғаш рет қосылған жастар да болды.
АМИНА ХАМИТОВА, ЕРІКТІ
Бүгін біз Жасыл ел және жас ұлан ұйымы бірігіп таза қазақстан акциясын өткізуде. Бүгінгі акция бізге ұнайды деген үміттемін. Осы акциядан көп маңызды ақпарат алып, және қоршаған ортаны сақтауға біз барынша қол ұшын созуға тырысамыз. Болашақта жасыл елмен бірге мектебімізде көп акциялар өткіземіз деген үміттемін.
Әрбір адамның табиғатқа деген жанашырлығы-экологиялық тепе-теңдікті сақтаудың кепілі. Бұл акция табиғатты аялауға және қоғамды жауапкершілікке баулуға бағытталған. «Таза Қазақстан» – жарқын болашаққа жасалған ортақ қадам.
Сабина Жолдаспаева