Павлодар облысына АҚШ-тың Қазақстандағы елшісі Дэниел Розенблюм келді. Мәртебелі мейман алдымен қаламыздағы мұражайлардың біріне барды. «Ертіс» телеарнасының тілшілеріне сұхбат беріп үлгерді.

АҚШ-тың Қазақстандағы елшісі Дэниел Розенблюм 2022 жылдың қараша айынан бері Қазақстандағы миссия басшысы қызметін атқарып келеді. Осы уақыт ішінде Қазақстан мен АҚШ арасында ауқымды жобалар қолға алынды. Мәртебелі мейман Ертіс Баян өңіріне келе салысымыен «Ертіс» музейін аралап, экспонаттармен танысты. Одан кейін Дэниел Розенблюм Торайғыров атындағы кітапхана барды. Елші Розенблюмнің жетекшілігімен АҚШ пен Қазақстан арасындағы қарым-қатынас жаңа деңгейге көтеріліп, сауда, инвестиция, халықтар арасындағы байланыс, университеттер серіктестігі мен қауіпсіздік салаларында айтарлықтай табыстарға қол жеткізілгенін айтты.

ДЭНИЕЛ РОЗЕНБЛЮМ, АҚШ-ТЫҢ ҚАЗАҚСТАНДАҒЫ ЕЛШІСІ

Екі жыл ішінде біз қарым қатынасты нығайта түстік. Осыған дейін де қатынас жақсы болды. Бірақ байланысты одан да жақсартуға мен бар күшімді салдым. Бірге қолға алған түрлі жобалар бар. Кейбір жобалар Павлодар пилоттық өңір ретінде осында біраз жобалар қолға алынбақ.

Елші облыстық кітапханада ағылшын тілі клубымен танысып, флекс бағдарламасының түлектерімен кездесті. Қазақстандағы миссия командасымен бірге тығыз жұмыс істеп, дипломатиялық байланыстарды нығайтып, өзара түсіністікті арттыруға және екі елдің ортақ мүдделерін дамытуға үлес қосты. Осы 2 жыл ішінде қазақ ұлтымен етене байланысқан елші, біздің ұлттың ерекше қасиеттеріне тоқталып кетті.

ДЭНИЕЛ РОЗЕНБЛЮМ, АҚШ-ТЫҢ ҚАЗАҚСТАНДАҒЫ ЕЛШІСІ

Қазақстанда АҚШ елшісі болу – мен үшін өмірімдегі ең үлкен құрметтердің бірі. Мен Қазақстан халқымен жақынырақ танысып, елдің барлық өңірлерін аралап, оның ерекше тарихы жайлы көп нәрсе білгеніме қуаныштымын. Осында тұрған уақытымда елдің бай мәдениеті мен дәстүрлеріне терең құрметпен қарадым.

АҚШ-тың Қазақстандағы Елшісі Дэниел Розенблюм 26 қараша күні Қазақстан Үкіметіне өзінің 2025 жылдың 20 қаңтарында қызметінен кететінін және АҚШ Мемлекеттік департаментінде 28 жылға жуық сәтті еңбек жолын тәмамдайтынын мәлімдеді.

Самал Қалиқызы