Баянауыл ауданының ең көрікті су айдындарының бірі — Жасыбай көлінде мамандар экологиялық мониторинг жүргізді. Су зертханаға алынып, құрамына физикалық және химиялық талдаулар жасалады. Нәтижесі алдағы аптада белгілі болмақ. Жалпы, жергілікті тұрғындар мен туристер су сапасына шағымы бар.
Дильназ Қуанышбекқызы,тілші
Баянауылдың інжу-маржаны Жасыбай көлінің суы соңғы жылдары зерттеулердің назарында.Бүгін мұнда мамандар судың сапасын тексеріп,қоғамға нақты деректерді ұсынады.
Баянауыл ұлттық табиғи паркінде орналасқан Жасыбай, Сабындыкөл және Торайғыр сияқты ірі тұщы көлдер туристер үшін тартымды аймаққа айналған. Алайда, демалушылар саны артқан сайын экологиялық жағдай бұзылып жатқандай.
Адель Ақметкәрімова, Павлодар облысы экология департаментінің зертханалық-эпидемиологиялық бақылау бөлімінің бас маманы
Баянауыл ауданындағы көлдерде яғни Жасыбай,Торайғыр және Сабындыкөл көлдерінде жыл сайын өткізілетін екі жылда бір рет жасалатын судың сынамалары алынды.осы судың сынамалары физикалық, химиялық зерттеулер жүргізіледі. Біз негізі жоспар бойынша мониторингті жасаймыз,содан кейін оның результаттарын шектеуден тыс көрсеткіштер болатын болса, онда ол көрсеткіштерді басшылыққа жіберетін боламыз.
Туристер, соңғы жылдары кейбір көлдердің суы лайланып, бетінде қалқып жүрген қалдықтар пайда болғанын айтады. Ал экологтар әзірге нормадан асқан қауіпті көрсеткіштер тіркелмегенін мәлімдеді.
Қанат Мұсапарбеков, Павлодар облысы бойынша экология департаментінің басшысы
Өткен жылдарда да жоғары нормативтен асқан жоқ. Бірақ биылда біздің халықтың жергілікті демалушылардың ұсынысы бойынша биылда анықтамаларды алып жатырмыз.Ең негізгісі бізде осы судың құрамында адамның денсаулығына және қоршаған ортаға зияны келмейтіндей, тиісті шара қолданылып жатыр. Егер осы көлдерден алған сынамалардың шектен жоғары шығу нәтижелері шығу анықталған жағдайда оған әрине қабылданған ОПТ және ұлттық парктың нормативтері бойынша шара қолданылады және ары қарай аудандық, облыстық,республикалық деңгейде шаралар қолдануға тиіс болады.Бірақ ондай болмайды деп ойлаймыз.
Қазір Сабындыкөл жағалауын абаттандыру жұмыстары жүріп жатыр. Жолдар жөнделіп, бейнебақылау орнатылуда. Алайда, Баянауыл ауданына тұрақты эколог маман қажет. Бұл мәселе бірнеше жылдан бері шешілмей келеді.
Қуаныш Шалбаев, Баянауыл ауданы «Amanat» партиясы филиалының атқарушы хатшысы
Енді халық демалу үшін бар жағдай жасалу керек. Оған абаттандыру жұмыстары да басталып кетті биыл. Одан бөлек судың құрамы да дұрыс тексеріліп отырса бізге бір өте керемет болар еді. Тағы бір айта кетеін мәселе, кейінгі 4-5 жылда міне қозғалып жатқан аудандық маслихат депутаты, келген мәжіліс депутаттарына да айтып жатырмыз өткен жолы біздің азаматтар, әріптестеріміз астанаға да барып келді бір эколог Баянауыл ауданына керек.Себебі табиғат бар, көліміз бар, ағашымыз бар.Келетін кісілеріміз де көп бойы.
Табиғаты көркем Баянауылда демалыс үшін сұраныс жоғары. Алайда инфрақұрылым жетіспейді: қоғамдық дәретханалар, киім ауыстыратын орындар мен тазалық мәселесі әлі шешілмей отыр.
Туризм дамуы үшін ең алдымен экологияға баса назар аудару қажет. Айта кетейік, мемлекет басшысы үкіметке қысқа мерзім ішінде елдегі барлық туристік бағыттың жағдайын ретке келтіріп, олқылық жіберген лауазымды тұлғаларды жауапкершілікке тартуды тапсырған болатын.
Дильназ Қуанышбекқызы