"Ертіс" футболшылары соңғы күндерін Түркиядағы оқу-жаттығу жиынында өткізіп жатыр. Футболдан 35-ші Қазақстан чемпионатының басталуына 15 күн қалды.
Аталмыш жиындарда «Ертіс» төрт бақылау матчын өткізді. Өзбектің «Насаф» клубынан 1:3 және «Нефтчи»-ден 2:3 болып жеңіліп, ресейлік «Ленингрдец» пен ойынды 1:1 шотымен аяқтады. Ал, «Уфа» командасын 1:0 шотымен жеңді. Маусымаралықта команданы «Қайраттан» келген Мирас Оматай толықтырды, Белорусьтен Владислав Климович, Павел Седько, Данила Нечаев, Руслан Хадаркевич қосылды. Ал, Вячаслав Швырев қазақстандық, Ибрагим фард Ганадан, Годфри Биток Стефен Нигериядан келді. Сонымен қатар, 25 жастағы форвард, павлодарлық клубтың тәрбиеленушісі Мирас Тұрлыбек бар.
Мирас Тұрлыбек, «Ертіс» ФК шабуылшысы
Біз жұмыс режимінде жаттығамыз, чемпионатқа дайындаламыз. Командада жақсы атмосфера, жақсы сәйкестік бар. Жаттықтырушылар өз идеяларын жүзеге асырады. Менің ойымша, біз дұрыс жолдамыз және чемпионатқа дайын боламыз. Ең бастысы - командалық жетістік. Гол соғу, командаға жеңіс әкелу, жанкүйерлерді қуантсақ жақсы болар еді.
Өткен маусымда Мирас "Каспийде" ойнады-23 матчта 23 гол соқты. Ол премьер-лиганың ауыр болатынын түсініп отыр.
Мирас Тұрлыбек, «Ертіс» ФК шабуылшысы
Қалай болғанда да, жауапкершілік сезіледі, бәрі түсінеді, өз күштерін салуға дайын. Барлығы "Ертісті" бұрынғы орнына қайтаруға тырысады. Жанкүйерлерге қолдау көрсеткендері үшін, бізге сенгендері үшін рахмет. Жалпы күш жігермен біз қажетті нәтижеге жетеміз.
"Ертіс" премьер-лигасына оралғаннан кейінгі алғашқы матчын 7 наурызда Шымкентте жергілікті "Ордабасыға"қарсы өткізеді.
Самал Қалиқызы