Жаңа жылдың алғашқы күні 52 сәби дүниеге келді

Жаңа жыл түні өңірде 52 сәби дүниеге келді. Облыстық перинаталды орталықта 13 ер, 8 қыз бала туды. Ал қалалық перзентханада 6 нәресте дүние есігін ашты. Дәрігерлердің айтуынша, ана мен сәбидің денсаулығы жақсы.

Облыстық перинаталды орталықта 31 желтоқсаннан 1 қаңтарға қараған түні 21 шақалақ жарық дүниеге келді. Ал №1-ші қалалық перзентханада 15 сәби туды. Ер балалардың саны басым. Қазір ана мен балалардың көпшілігі үйге жіберілді.

Гауһар Тұрсынбаева, облыстық перинаталды орталығы босану бөлімшесінің дәрігері:

Жаңа жыл түнінде 31 желтоқсаннан 1 қаңтарға қараған түнінде біздің облыстық перзентханада 21 нәресте дүниеге келді. Оның ішінде 13 ер бала, 8 қыз бала. Бүгінгі күнде олардың денсаулық жағдайлары жақсы. Аналарының қасында. Үйлеріне шығуға дайындалып жатыр. Бірінші дүниеге келген 1 қаңтарда 12.05 минут кеткенде ер бала келді. Негізі ер балалар көп туып жатыр қазір.

Облыс орталығының тұрғыны 25 жастағы Айжан Мақсұтова 2 баланың анасы. Жаңа жылда Айжан, Ару есімді қыз баланың анасы атанды. Оларды үйде 4 жастағы қызы күтіп отыр.

Айжан Мақсұтова, Павлодар қаласының тұрғыны:

Кішкентай нәрестеміз, Ару есімді нәрестеміз дәл Жаңа жыл мерекесі қарсаңында дүниеге келді. Салмағы 3700 граммен. Өте қуаныштымын және де осы перхентхананың дәрігерлеріне мың алғыс айтамын.

Облыстық перинаталды перзентханада қазір 500-600 және 800 грамм салмағы бар 3 нәресте жатыр. Бұл балалар 2 келі салмақ қосқаннан кейін палатаға ауыстырылады. Жалпы Павлодар өңірінде өткен жылы 10 мыңнан аса бала дүниеге келді.

Әйгерім Тоқпанқызы