Сұлтанмахмұт Торайғыров атындағы облыстық әмбебап кітапханасында өңіріміздің жас зияткерлері облыстық роботехника жарысында мөзара мықтыны анықтады.
Облыстық кітапхана төрінде роботехникадан «MakerSpace Pavlodar Кубогы» өтті. Біліктілер додасына 6-18 жас аралығындағы жас ізденімпаздар қатысты. Олар «сумо», «шығармашылық» және «кегельринг» санаттары бойынша бақ сынасты.
Ерсұлтан Омар, ұйымдастырушы:
Шығармашылық санаты жаңартылатын энергия көздеріне негізделген жоба құруға көзделген. Кітапхананың 3 қабатының барлығында қатысушылар сынасатын болады. Жақсы ойын күтеміз. Сумо санатында кішкентай пішінді роботтар сынға түседі. Сайыс ережесі бойынша құлтемірлер бір-бірін шеңберден ысырып шығаруы керек.
Баянауылдан келген Нұралы Исабек робототехникамен 9 жасынан бастап әуестенеді. Тапқыр жеткіншек бұл уақытқа дейін 300-ге жуық құлтемір жасаған.
Ал павлодарлық Елнұр Ерқанатұлы бұл роботты екі апта ішінде жасаған. Осындай ауқымды жарысқа екінші мәрте қатысып отыр. Жас техник жасаған проектін егжей-тегжейлі таныстырып берді.
Аталған додаға өңіріміздің түкпір-түкпірінен 100-ге жуық оқушы жиналды. Жеңімпаздар мен жүлдегерлер сыйлақтар және грамоталармен марапатталды. Барлық қатысушыға арнайы сертификаттар табысталды.
Ақмаржан Қалымбек