Екібастұз қаласында «Күйшілер Одағы» республикалық қоғамдық бірлестігінің филиалы ашылды. Толығырақ алдағы бейнематериалда.
«Күйшілер Одағы» республикалық қоғамдық бірлестік 5 жыл бойы жұмыс істеп келеді. Онда 200-ден астам мүше бар. «Күйшілер Одағы» республикалық қоғамдық бірлестігінің Павлодар облысындағы филиалы штабы Екібастұз қаласында ашылды. Бұл күйшілердің басын қосып, бір мақсат жолында жұмылуына жол сілтейді. Конференцияға «Күйшілер одағы» республикалық ҚБ төрағасы арнайы қатысты.
«Күйшілер Одағы» республикалық қоғамдық бірлестігінің Павлодар облысындағы филиал штабының төрағасы болып Архат Қайратұлы сайланды. Ол Естай атындағы балалар музыка мектебінің басшысы қызметін атқарып келеді. Сонымен қатар, Ақкөл-Жайылма елінің тумасы, жерлесіміз Қайрат Айтбаевқа «Күйшілер Одағының» мүшесі куәлігі салтанатты түрде табысталды. Және басқа да өнерпаздар алғыс хаттармен марапатталды.
Бұл 8 аспапты меңгерген мультиаспапшы, композитор – Аслан Гумаров. Ол шараға Орал қаласынан арнайы келіп, жиналған қауымды өнерімен тәнті етті.
Шара соңында Естай атындағы балалар музыка мектебінің ұжымы «Күй қағанат» атты концертке ұласты. Күй өнерін насихаттайтын мұндай жұмыстар ақжолтай қадамдардың бірі.
Қымбат Садық