Жерлестеріміз жарады. Батыс Азия Чемпионатына қатысқан шахматшыларымыз жүлделі бірінші орынға ие болды. Бұдан басқа өңірдің шахмат спортында қандай жаңалықтар бар? Келесі сюжетте.
Жерлестеріміз Жания Науанова мен Азалия Балақанова Шри-Ланкада өткен шахматтан Батыс Азия Чемпионатында жақсы нәтиже көрсетті. Жаниямыз классикалық шахмат пен рапидта, ал Азалия блиц пен рапидта бірінші орынға ие болып, елге 4 алтынмен оралды. Айта кетейік, аталмыш жарысқа 10 елден 300-ден астам шахматшы қатысты. Бұл шахмат күніне орай жақсы жаңалық болды. Бұдан бөлек, біздің облыста да түрлі жарыстар өткізілмек.
АРЫСТАН КАПАЕВ, ҚАЗАҚСТАН ШАХМАТ ФЕДЕРАЦИЯСЫНЫҢ ПАВЛОДАР ОБЛЫСЫ БОЙЫНША АТҚАРУШЫ ДИРЕКТОРЫ
Міне 20 шілдеде халықаралық шахмат күні болады. Қазақстан бойынша Гиннес кітабына кіреміз деп отырмыз. 100 адам қатысамыз. Шапшаң ойын өтеді. Қазір соған дайын өтіп отыр.
KazChessFest турнирі Гиннес рекортар кітабына ену мақсатында ұйымдастырылады. Жарыс швейцариялық жүйе бойынша 9 турдан тұрады.
Осылайша Қазақстан бойынша чемпион атанған 20 адамнан төртеуі іріктеліп Әлем чемпионатына қатысатын болады. Айта кетейік, шахматтан әлем чемпионаты Сингапурда қараша айында өтеді деп жоспарлануда.
АРЫСТАН КАПАЕВ, ҚАЗАҚСТАН ШАХМАТ ФЕДЕРАЦИЯСЫНЫҢ ПАВЛОДАР ОБЛЫСЫ БОЙЫНША АТҚАРУШЫ ДИРЕКТОРЫ
22-29 тамыз аралығында жарыс болады. 10-14 жастағы 300-350 адамдай болады. Үлкен турнир болады. Республикалық жарыс болады. Онда таңдайды кім Азияға кім Әлемге барады.
Осылайша Қазақстан шахмат федерациясының Павлодар облысы бойынша атқарушы директоры өңір шахматшыларының әлеуеті мол деді. Қазір шахмат бағыты бойынша түрлі мектептер жұмыс жасайды, бұдан бөлек білім беру саласында да бұған баса көңіл бөлініп отыр.
Самал Қалиқызы, Юрий Белевский, ЕА