Ертіс Променад сахнасында алдын ала кесте бойынша облысымыздың аудандары кезек-кезек өнер көрсетеді. Осы жолы Железин ауданының өнерпаздары Орталық жағалауда сахнаға шықты. Кеш қалай өтті? Толығырақ келесі сюжетте.
Сахна сыртында әртістердің дайындығы қызу. Бірі шашын реттеп, боянып жатса, енді бірі қара домбыраны қолға алып күйін қойып жатыр. Бірер минуттан кейін Павлодар қаласының ең үлкен сахнасы, қонақжай көрермендері өнерпаздарды қарсы алады. Осы жолы Ертіс Променадтың қонағы – Железин ауданының әншілері мен бишілері.
АБАЙ РЫСПЕКОВ, ЖЕЛЕЗИН АУДАНДЫҚ Қ.ӘЛСЕЙІТОВ АТЫНДАҒЫ МӘДЕНИЕТ ҮЙІНІҢ ҚЫЗМЕТКЕРІ
Біз Павлодар облысы Железин ауданы Қ.Әлсейітов атындағы медәниет үйінің қызметкерлеріміз. Ертіс Променадта жыл сайын әр ауданның өнерпаздары жиылып, өнерлерін паш етеді, қонақтарға көңіл күй сыйлау үрдісіміз. Біздің мықты өнерпаздарымыз Павлодар тұрғындарына жақсы көңіл күй сыйлауға келіп жатқан жағдайымыз бар.
Ертіс Променад сахнасында жаз бойы түрлі шаралар ұйымдастырылады. Республикалық деңгейдегі әртістермен қатар мында өңіріміздің өнерлі майталмандары ортаға шығады.
Мәдени шаралар жоспары бойынша демалыс күндері әр аптада әр аудан келіп осында өнерін көрсетеді. Железин ауданынан 30-дан астам өнерпаз келді.
АЙГҮЛ МҰҚЫШЕВА, ЖЕЛЕЗИН АУДАНЫ МӘЛЕНИЕТ, ДЕНЕ ШЫНЫҚТЫРУ ЖӘНЕ СПОРТ БӨЛІМІНІҢ БАСШЫСЫ
Жыл сайын біз концерттік бағдарламамен осы сахнада өнер көрсетеміз. Алдын ала дайындалып, ауқымды мерекелік бағдарлама алып келдік. Бүгін 30 дан астам өнерпаз сахнаға шығады. Біз әрқашан республикалық, облыстық шараларға қатысамыз, Ертіс променад солардың бірі. Осы арқылы біздің әртістер жетіле түседі, жаңа кезеңді бағындырады.
Железиндықтар ортада патриоттық, лирикалық әндермен қатар ретро хиттарды да шырқады.
ҚАРЛЫҒАШ ТАСТАНБЕКОВА, ЖЕЛЕЗИН АУДАНДЫҚ Қ.ӘЛСЕЙІТОВ АТЫНДАҒЫ МӘДЕНИЕТ ҮЙІНІҢ КӨРКЕМДІК ЖЕТЕКШІСІ
Мен көркемдік жетекші ретінде бүгінгі концерттік бағдарламаға жауап беремін. Бағдарлама біздің көпжанрлы. Біз мында вокал, вокалдық-инструменталдық ансамбль, жеке әншілер, бишілер алып келдік. Мәдениет үйінде 25 жыл жұмыс жасап келемін. Сондықтан ауданымызды таныстырған кезде, біздің әншілер сахнаға шыққан кезде қалай қобалжитынымды білсеңдер ғой. Бұл үлкен жауапкершілік.
Осылайша Железин ауданының өнерпаздары павлодарлықтарға керемет көңіл күй сыйлады.
Самал Қалиқызы