Павлодар қаласының Мәшһүр Жүсіп атындағы мектептің шахмат кабинеті жаңартылды. Онда жөндеу жасалып, аумағы кеңейтілді. Енді кабинетте әлдеқайда көп оқушы шахматты үйреніп, ойнай алады.
Шахмат — ақыл-ой өрісті дамытатын үстел спорт ойыны. Оның білім беру ошақтарында оқытылғаны жөн. Зияткерлік қасиеттерді дамытып қана қоймай, үлкен спорт әлеміне жол ашады. Осы ретте Мәшһүр Жүсіп атындағы мектептің шахмат кабинеті заманауи үлгіде жаңартудан өтіп, ашылды. Оның салтанатты ашылуына Қазақстанның ең мықты адамы Сергей Цырульников қатысты.
Сергей Цырульников, Қазақстанның 6 дүркін рекордшысы:
«Білім берудегі шахмат» жобасы бойынша 400 ге жуық кабинет ашылады деп жоспарланып отыр. Бүгін 123 кабинет ашылды. Екі жыл бұрын бұл жобаны бастадық, оған тоғызқұмалақ қосуды жоспарлап отырмыз. Кабинеттер барлық талаптарға сай жасалған.
Сергей Цырульников шахматтан бөлек 10 жобаны жүзеге асыруда. Оның ішінде тарихи, әлеуметтік жобалар бар. Айта кетсек, ашылған жаңа кабинетке шахматшы жерлесіміз Әлішер Сүлейменовтің есімі берілді.
Әлішер Сүлейменов, шахматшы:
Мен 2009 жылы шахмат ойнай бастадым. 15 жыл бұрын. Сол кезде шахмат үйінде ойнауды бастадым. 7 жылдан кейін шахматтан спорт шебері болдым. Енді міне менің мектебімде менің атыммен шахмат кабинеті ашылып жатыр. Қазіргі кабинеттер заманауи жабдықталған. Маған менің атымдағы кабинетте балалардың ойнағаны мені қуантады.
Осы ретте білім беру бағдарламасында шахматты үйрету сабағының болғанын мұғалімдер де құптап отыр.
Ризагүл Сәденова, Мәшһүр Жүсіп атындағы ЖОББ мектеп басшысының орынбасары:
Бізде ҚР шахматты дамытудың жоспарына сәйкес 2022-2023 сәйкес ашылып жатыр. Шахмат негіздері сабағы енгізілді. Жаңа әдістемесі арқылы.
Оқушылар да алғысын білдірді.
Алтын Айтжан, Мәшһүр Жүсіп Атындағы ЖОББ мектептің оқушысы:
Баршаңызға үлкен рахмет. Жаңа жетістіктерге жетуге күш салайық.
Айта кетейік, оқушылардың жан жақты дамуы үшін мектеп қабырғасында шахмат, роботехника, тоғызқұмалақ сынды кабинеттердің болғаны маңызды. Балалар сабақ оқып қана қоймай, үйірмелерге қатысады.
Самал Қалиқызы