Қарттар біздің асыл қазынамыз. Осындай ұранмен «AMANAT» партиясының «Жастар рухы» жастар қанаты қаланың қарт тұрғынының үйін тазалап, көмек берді. Бұл «Таза бейсенбі» акциясы мен «Арадгерлерді ардақтайық» жобасы аясында іске асуда.
Раиса Камышкенова – 87 жаста. Ол 6 баланы дүниеге әкелген көпбалалы ана. Қазір 4 баласы мен немере-шөбере көріп отыр. Жұмыс қамымен олар басқа қалаларда тұрады, ал қолындағы бір баласы жарымжан адам. Ауыр жұмыстарға жағдайы келмегендіктен, келіні партияның қабылдау бөліміне өтініш білдірген екен. Қария әжеміз жас күнінде қиын жұмыстарды істеген, өзіңе көмек білідірген жастарға зор алғысын білдірді.
«AMANAT» партиясының «Ардагерлерді ардақтайық» атты тағылымға толы жобасы бар. Оның аясында жыл басынан бері 50-ге жуық адамға көмек көрсетілген.
Айта кетейік, бұл «Таза бейсенбі» акциясымен де байланысты болды. Өз кезегінде белсенді жастар қарияларға көмек беру жұмыстарын жалғастыра түспек.
Қымбат Садық