Шикізат та, өнім де өзінен

Шарбақты ауданы

Бұқтырылған ет пен дайын ботқалар Щарбакты ауданының Орловка ауылында орналасқан «Победа» ЖШС-нің ет консервілеу цехында өндіріледі. Мұнда өздерінің шикізаты пайдаланылады, ал дайын өнім аудан дүкендері мен Павлодар қаласына жеткізіледі. Өндіріс процесі қалай ұйымдастырылғанын сюжеттен көрейік.

Ет консервілеу цехы 2012 жылдан бері жұмыс істейді. Мұнда сиыр және жылқы етінен бұқтырылған ет консервілері, сондай-ақ қарақұмық, арпа және күріштен ботқаның үш түрі шығарылады. Өндірістегі жұмыстардың басым бөлігі қолмен атқарылады.

Валерий Тавлетеев, ет консервілеу цехының қызметкері

Бізге ет жеткізіледі. Алдымен оны ұсақ бөліктерге тураймыз, содан кейін еттартқыштан өткіземіз. Одан соң тұз бен бұрыш қосып, араластырамыз. Дайын қоспаны банкаларға бөліп саламыз, қақпағын жауып, арнайы аппаратқа жібереміз. Аппаратты жауып, пісіруге қоямыз. Дайын болған соң шығарып, жапсырмаларын жапсырамыз. Осылайша өнім тауарлық түрге келтіріліп, қораптарға салынады.

Цехтың басты артықшылықтарының бірі – өз шикізатын пайдалануы. «Победа» ЖШС ірі қара мал өсірумен айналысады. Шаруашылықтағы мал саны бірнеше жүзге жетеді. Мал басы өз төлінің есебінен көбейтіліп, қосымша мал сатып алу арқылы да толықтырылып отырады.

Юлия Зубарева, ет консервілеу цехының меңгерушісі

Біздің етіміз – өзіміздікі. Өз фермамыз бар, етті сол жерден аламыз. Өнімдеріміз Щербакті ауданы мен Павлодар қаласына жеткізіледі. Сауын сиырлардың саны шамамен 800–900 бас. Қызыл дала тұқымды қашарлар сатып алдық. Мал әкелініп жатыр. Өз малымыз да бар, сатып алған малымыз да бар.

Ет консервілеу цехы – «Победа» ЖШС қызметінің бір ғана бағыты. Шаруашылықта наубайхана мен жартылай фабрикаттар өндіретін учаске де жұмыс істейді. Осылайша кәсіпорын ауыл шаруашылығы шикізатын өңдеудің бірнеше бағытын қатар дамытып келеді.

Самал Қалиқызы